債冚債、年復年的循環信貸

港股臨尾瀨尿告終，連星期五都唔等，反映幕後唔理三七二十一，借亞太區D出口數據差，質咗先！族長早就教識大家睇住下月期指與即月做參考的獨門秘技，即月收報29,5xx；下月則29,3xx，反映族長在假前指出幕後心急在30,000派貨。

從圖中觀察，幕後自制了10次出貨的良機，在13日內狂質，任務完成了！即月與下月有200點水之差別。日綫圖顯示，跌勢加劇而配合大成交，證明了，圖中的小圖頂型態確定了，指數撻回28,000邊，是基本需要。不過，先看29,000邊會否扮垂死掙扎的爛章節，呃多D老散接貨或溝淡等儍厘的指定動作，猜想幕後用衍生工具如期權加碼推低個市，執多D囉！

油價持續向上，暫在66.3徘徊，都是跟早前的預測去做，不用疑惑，耐心等它終極一飆來結束環球股市的反彈浪，話口未完，合併遇冷風，借勢拖低歐洲股市；剛剛看到另一則報導，英國Sainsbury PLC（SBRY. LN）和Asda Group Ltd（AGP）的合併被英國市場競爭Authority否決了，搞乜鬼啫，第二大加第三大即係乜樣子呢?!超越第一大嗎?!總之，咪鬥大，好學唔學，學足土匪的「假大空」遊戲，今時今日，唔上當架啦！

族長早前的策略是work的，先沽股市，之後等油價飄高一格，才郁手都唔遲。不過，市況回調幅度要留神，不會插水式下瀉的，一級級滑下去。所以，唔知辰時卯時來一次，夾淡倉的回馬槍，大家要有心理準備，加埋策略調度的部署才有望贏多D架！

前文〈●〉提及出口數據，拖累亞太區股市，唔知會否引發骨牌式效應。執筆時，DJIAF跌125看似「散散地」喎?!轉一轉Channel，〈700〉馬不停蹄，東征西討，在去年5月協助（Huya）虎牙，以每股12美元集資在紐約上市；剛在23日玩另一隻玩具是（DouYu International）鬥魚，周一晚提交文件，發行美國存托股票（ADS）。從這些舉動看，〈700〉似趕尾班車，籌旗要緊，先看美帝會否有錢搵就隻眼開隻眼閉啦！

其實，此種掛牌集資都是班金融凶獸的業務之一，開飯嘛！族長有瞄一瞄隻（Huya）股價一度逼近$50，現時在22.xx徘徊；隻嘢鑊氣一過就打回原形，同D Cryptos ICO玩pump & dump差不多，好行唔送喎！

當大家再望一望，Kyle Bass Tweat的資訊就心知肚明，鬼国四大行美元資不抵債的實況，請不要掉以輕心，加上現時美元兌各國貨幣都正處強勢，即是鬼国四大行齋找息都要嘔多D啦?!

參考早前文章，今年內要找1.2萬億，這是短錢（債冚債、年復年的循環信貸）……「人弊」就開機印，但美元則要去搶，最就手是腥港囉！咪以為你我豬豬們無份，永不落空，找數埋單時便清大家袋啦！

Trump早已胸有成竹，與關稅戰無關的是另一條戰綫，所以「人弊」、港元及樓泡是另一定時核災，走唔甩架！當然主流媒體往往把關稅戰擺上神檯咁高，乜都入佢數；一單還一單，兩回事。別表錯情及會錯意，醒吓啦！

大家明白，香港關係法，真身是美元hub的陣地。首領不會亂來的，或許無知，但絕不敢蠻動的……遲一點再談，在這方面的攻防戰可以點玩呢?!「逃犯乜乜」是不可能的任務，777注定要孭呢隻鑊架！

族長留條綫索給大家去思索，土匪、首領當務之急（不是神功樣板戲……）。從那方面入手去改革，當然美帝的model answer是結構性，咪係「党」囉！

有兩個標題……

談判「龜速」進展；注定No Deal；川習會在日本開？川普談判進展順利，大家可能身處Quantum Entanglement乜都有可能的，不是痴Q綫囉！〈待續〉