「大水」灌市

唔鳩衝30,000唔舒服!?

按關稅戰破繭後，No Deal成為敏感詞，媒體亦唔提，兼提早唱好第一季嘛，所以未來兩星期是主軸旋律，唔鳩衝30,000一定唔安樂喎！大家準備好未，撲入去，坐順風車，撈番筆！族長不反對打游擊戰，重點是日日清；極其量過一晚市個隻（要有特別的心水，才考慮）。

短暫不利空軍和大戶轉倉期，它們慣常托起來過手，不排除周三前已逼近／突破30,000，之後則玩反覆。在此刻才正式轉倉（設計下月的去向），資深老手有經驗的，新手則兩頭擺，心水清就睇通，當中的異動，沒有驚嚇場面。

大家有留意，市場已預期FOMC會維持息口不變，港媒一定趁機吹谷樓泡，讓大家進場，怕執輸嘛！好了！望一望外圍亞洲區的指數方面：KOSPI、Nikkei 225、HSI及Singapore相對較理性一點；Shanghai及Sensex則有點狂野味道（其實只有支企A是真瘋癲的）因為Sensex細心觀察升幅就明<%>白了，鬼国A真托市囉！

早前亦提及超大成交，睇到都心寒，本周 持續「大水」灌下來，是否撐克強大佬的調控技藝嗎？老實說：調乜控乜都是扮做嘢啫，毫無實際效用，嘥氣，最終都是「大水」灌市的一招，「李」整托市，獨撐天下。好心啦！唔攰咩?! 捱到3月了，各大Fund佬都會齊唱和，張第一季成績表幾靚仔喎！大家記得多謝Trump餐餐都話有良好傾講進展，結果市場照單全收，才有今日！嗱，頂埋多2個星期啫，再來次鳩衝30,000點，任務完成，可以收壇，周四FOMC噏嘢，料股市無反應的，但滙市則出現神經質的跳動。

族長心郁郁，澳洲仔和日圓是最敏感的，AUD / USD有望標上0.7187；USD / JPY會再試衝112關口。今鋪是賭Jumpy，兼考眼光及眼明手快……，不過新手只宜觀戰，因為唔一定發生的或甚至出現預期之相反。一旦入市，風險很高及要當機立斷做決定喎！