天一半、地一半

今日族長刻意玩Field trip，差不多浦勻港、九及新界的股票行（包括駐足銀號的股票站），當然是人頭湧湧，老散議論紛紛及大談心得，並呻笨，早知入啦!?走雞喎和有不少老手話依然被綁郁唔到或轉唔切身云云……較奇妙的一刻是駐是銀號的分行（證券站位），當其時現貨一度插水200點，幸好爬返上來。不過期貨則托在30,000點（扮跳上跳落的姿態），明眼人都知道托期貨，派現貨（減磅要手快嘛，借尾市挾起來做傘擋囉！）！大家請重溫3月18號〈「大水」灌市〉一文，早已說清楚鳩衝30,000大關囉！無花無假，今日出現了，亦正是月頭托，月中攰……的慣性幕後策略，今個月亦不例外。咁重會唔會再衝多五百或一千點呢?!相信大家最關心的有冇得再執囉！

看附圖做分析，由短睇到長。3 Day 5 mins圖，證實了鳩衝30,000點的預言，完中！托住期貨來走路（散水）不是甚麼新鮮事，business as usual ！由於明日是清明，香港人有乜想同777講好講啦，拜山時節，最合適不過……

至於，Daily圖所出現的連升8日，料下周會繼續演下去。問題是先稍作回吐，再鳩衝上去；或繼續一鼓作氣，殺聲四起先屠淡友，之後就連跟隊的好友們一同干掉吧！

周綫圖則有個V型形態，只要Copy上年18年時4至6月幅圖就近乎對秤了，似有藝術品味喎！按紫框是回補裂口的區域，大概在30,200附近就會遇阻力了。不過，再向上望有1,500點水位，看RSI指標有作勢再衝上去，空軍們請回避啦！

早就通了水給大家知，個市唔跌得，因歐盟選舉；英國硬脫及美帝建牆等都是政治風向指標，無政客夠膽下注的，安安靜靜捱過才算，之後亦是另一新天地。

舉例：若文姨姨提早大選，一過唔該，工黨執政嘅話！英國完蛋了，不可抱任何希望，分分鐘英國國運衰過香港或者一擔擔。

回望幅周綫圖，若無突發大事件發生，美股和DAX都有望再衝多一轉，之後則反反覆覆，並進入日升日跌的無眼睇狀態，一致到6月才有望見新境象，這樣是天一半、地一半的情況。

最後噏多句，炒單邊，賭美元一枝獨秀。沽金、沽澳、紐及加紙等，唔知Work唔Work呢?!留言交流，唔該！