Member-only story
其實篇文昨日已經要post出來，但心情異常散漫，遲遲不動筆；加上瞄一瞄美股周五收市的情況後，玩唔郁喎。族長直覺一定有很多事情正在進行中，靜雞雞嗰隻，而且媒體亦刻意操控風向和主軸，所以自Trump簽了200億單大生意後，回國睇返內政先，兼視察災情和關心自己國民的福祉……他的調控技藝是一絕，袋了＄即面向國民，做得好！港豬們唔恨得咁多，自己攞嚟的，怨誰呢?!
入正題：澳元和「加紙」個樣都很頹廢Look，不排除澳洲仔失守0.7關口；「加 紙」下探0.6可期。一切皆因婪之禍，依靠土匪狂癲吹谷樓泡的後遺症，最終都會爆的，拖得幾耐啫！一旦爆破，一街屍骸，趁機甩身，走得快，好世界！樓泡一爆，輕則衰3~5年；重的十年都未可翻生囉！
今時今日，澳紐加及全球各國都看清楚土匪的真面目，大家一不做，二不憂，搞鋪大啦！好過攬住一鑊熟，擺出西方盟軍隊形應戰，一齊上，打贏了，有D幫補，兼一鋪過。長痛不如硬起心腸，狠狠打鑊甘過佢，趁個勢咁強，唔好嘥嘛！近日南韓鬼殺咁嘈，陰霾受襲，相信土匪已是眾矢之的，可能煲多1至2個月，較啱時辰郁手吧！
回說金油亦出現戲劇性的變化，2月中旬，開始向下碌，並一度低見1,284.7，在周五才出現技術性反彈；油價則似再向前衝的動力減弱了及有回復平靜的狀態，料稍後回吐，不論再爆升與否，抖一抖都是合適的，短暫看$50或$48附近。市場依然抱着不可出大亂子的狀態。但美3大指數均出現圓頂型態，樣子帶有驚嚇味道，十之八九一棍插下去，走火警訊號已響起了，睇路，大家執生啦！
無咁邪嘛！近期有套美國電視劇Black Monday 2019，大家有無同感呢?!