玩突襲?！

今日股市方面，非常淡靜，買賣連歐洲開市後都唔多願郁，似等運到的樣子。等叫糊咁個款是滙市，隻隻嘢都裝「空」作勢，想郁玩突襲。

短暫鎊似在高位無承接力，盡了?!澳元則壓在0.68x邊爭持。至於EUR / USD則起擒了一段就停下來；美元兌日圓守着108.5x / 108.3，似扮嘢居多，質下去的機會極高，市場等Fed的減息來設陷阱比散戶，搏他們追沽美元，唔知work唔work，不過，政治博奕是純粹計算出來的「結果」，可惜可球面對着這條赤龍是不屬人類文明的部份，難以揣測。

攬炒是正常賽果，既然党得不到，當然不會益任何人或國啦！大家明白了，Trump講到牙血都出了，是計算埋攬炒非理性的一着，他算是高瞻遠矚的高手，所以大家會看到人稱「鱷王」的Ray Dalio老貓燒鬚，輸鑊甘，8月時，他的旗艦基金跌了6%，剛踩入12月有大戶撤資，這個年頭運滯之際，頭頭碰着黑，星加坡佬邊有忠誠架，一旦有事，走都走唔切啦！

族長講多句，王八爺是鱷王的粉絲，當然有生意來往，咪話唔震……唔覺意洩露機密添，罪過、罪過……大家當無睇過，唔知發生乜事。

其實，鱷王真的倒下來，死因是與Trump對賭，賭美國經濟永不翻身，結果，剛公布的Non-farm Payroll說明了，有志者事竟成，有心有謀略，一步一步帶領着美國再重拾光輝，是Trump的使命。相信美國國民應該看到這一點，不要放棄，有望開個靚頭，老嚟嘛，開開心心迎接2020年的來臨。

族長忍不住口繼續講，鱷王兵敗如山倒是一個訊號，跟着此警告，紅燈已亮起，正是直插中共的死穴之一，王八爺是唔覺意帶領美帝進入党的核心裡：錢！白宮的幕僚一定聞到味，追殺下去，一定有意外收獲。

Trump真的行運行到腳趾尾，心正自然就行運啦！

大家望一望，支企A市場，有不少股份插水式下跌，過去5個交易日，累計近50億蒸發了（創力集團），族長不長詳談論或分析，要發生就是這樣了！不過，港媒無限淪迴唱好，樓市和某某板塊類別有不錯的升幅，族長突然覺得自己好像在平行時空的感覺，完全抽離，彷彿活在兩個世界裡，個感受好怪和唔知發生咩事呢?!回來吧！

Trump是踩爆了鬼国的債泡，爆不停是正常的，問題在克強大佬無蒲頭或連首領都唔知支爆在眼前，點會識驚啫！眼眨眨就算囉，叫做比了個反應給大家，收唔收貨，貴客自理！等多兩三日，料有突如其來的荒誕離奇事件發生的，不用心急！Cryptos似想偷步行先，唔知跟唔好呢?!