Member-only story
大家有點慢熱喎！再次邀請讀者們join patreon ，等各路人馬埋位，才正式開壇（潮流用語）。請大家踴躍支持，謝謝！
突然間心血來潮，睇圖做功課，發現了一些蛛絲馬蹟，索性寫篇短文作分享！
由於Cryptos在周日時出現了大屠殺，極速暴瀉；按bitcoin為例，由12,076附近，撻了下去，連11,000都插穿了。不過，這轉撻生魚，迅速回穩，並隆隆聲爬回11,427，現況典來覆去，在11,300附近爭持。
其實昨日太忙，個腦依然掛着一個諗法，沒有講出來。今日心血來潮，神推鬼㧬去睇圖，才發現了重要線索。與自己早前掛在腦袋的想法有密切關係喎！
先簡略噏兩句，呢幾隻的功課圖！(1)Status（SNT）殘到無朋友，料低沉位已見了，現在掙扎於0.025~0.03之間。按直覺跌一跌，放膽撈D來當儲蓄，持有半年至9個月，上望目標視乎入市價。若未來個價守住0.02作防綫，搏佢見0.1以上！
(2)Aave（LEND）近日有瞄一瞄，看似有得諗?!但望到此圖，非常驚嚇，怕怕了！時運高，睇唔到了！至於火幣（HT）族長有很大戒心和不想沾手，避得就避的心態。不過，小注宜情，不妨！想贏餐茶錢，相信可以，呢D庄一定要有鑊氣才會舞動。若有機會，定必通知大家！
(3)Compound（COMP）太高和貴，唔值，洗一輪倉，之後再等！(4)Tap（XTP）近日有釘實佢，未知去邊度買，族長唔想用Binance，有冇朋友有好介紹呢?!個人評估，可放手一博，值得博，一兩毫一定見，視乎個游資會否進場作指標！
最後，NEM（XEM）比起Tap（XTP）更抱高期望，1蚊或5毫子囉！關鍵是找個易守的位置入貨囉！以上是族長自己做的功課，不是投資Tips！風險嘅嘢，自行管理，OK！
好了！開估，族長掛住的諗法是：大戶裝捕獸器，突然在9,300發爛拔足狂奔，給大家見了12,000。咁係時候倒轉頭，殺好倉，無啦啦，質翻佢（bitcoin）落6,000~7,000區域，做一個大清洗，滿地屍骸，夠血腥嘛！大家啱唔啱聽呢?!請留言交流……〈待續〉
補充：族長似睇錯了美滙，個樣似散散地，睇住92.5附近，作今轉死貓彈的失敗最後防綫。一旦再碌下去，則確認族長睇錯了吖！
另外，分崩離析的日常，連資訊都碎碎濕濕，既無主軸，又九唔搭八；東一忽西一忽，事情是各有各做，一個圍，而另一個則疲於奔命的去拆，這就是當下的日常，死去呢?!人都癲……