市場快訊

今早做個市場快訊，讓大家醒醒神，開開心心又新一日的開始！

油價持續向下，暫在52.5~53之間掙扎，一度踩低至52.43，反映借亞洲市成投較薄弱，質多腳，初步估計52有支持。因為50邊不是企腳位，但50邊～52則是一個密集區，相信由63踩低10蚊雞，差不多夠皮，並且停一停，再看政治風向，所以博雞彈的快閃策略可考慮郁手的，不過要揀入市位，就要眼明手快啦，good luck！

金價拗腰上，唔似真有動力，帶有古怪的技術性挾一挾淡倉之舉措，不宜沾手！族長依然維持上落市格局，上望阻力區在1,325 / 1,327。若歐洲開市後，金價依然不能成功突破1,318，則短綫沽空，下望目標1,305 / 1,303，視乎入市位作準。止蝕：1,322 / 1,323附近。

滙市最搶眼是USD / JPY，一口氣殺下來，2個大YEN喎，咁都似唔夠喉。難道要彈升多1至2個YEN嗎？未有頭緒！不過，族長直覺想下注博V型反彈，風險太大，睇多半日先再作評估！若有心水，稍後即通報給大家，急不得。

至於Cryptos亦看似朝着穩步上揚的姿態爬升，不過短綫或本周要做稍作整固，才更健康和有利大反彈浪的推進。Monero和Bitcoin要作較有深度的回吐，令這個反彈浪才可添加再爬升的動力，否則是放煙花的爛show了！

回望股市Nikkei 225和HSI個樣頗相似，睇多陣，未跌完！但上證指數，則托住唔敢跌，人工做市味濃，加上負面消息被封鎖之故，根本無反映實況的恐怖，至少看2,500才較合理。但老實說，莫講2,000啦，可能有1,000點都嫌多喎……大家明晒，不用多說了！So be it！