Member-only story
講日本一定會期待東京奧運2020，奧運開幕是夏季的日子，還有1年多啦！究竟日本仔真的捱得過嗎？今次美帝發動的關稅戰是全球性，日、歐都受不同程度上的影響，Pence亦有微言，美國貨和服務受到多限制進入日本。唉！老實話，架仔撐得過上半年的天災已經損失慘重，北海道勉勉強強吊住鹽水拖着過，美帝亦不肯給予空間，讓他們休養，恢復活動才嘈啦！
睇圖USD / JPY低見112.68，在115關口前掉頭，情況半推半就，美帝極不想日圓跌得太快，加上與土匪埋身肉搏，不容有閃失，推高日圓是明智的，太疲弱反而惹來疑惑，唔知撐得幾耐，信心嘅嘢，明就明，唔明就算！港元有信心嗎？大家留言分享和交流……
早前族長擬定的入市策略依然生效啦！由於美滙指數在18年初止跌回升後，衝了一年，要整色整水，才可再炒上，臨近節日氣氛濃厚，消費旺季一定要旺丁又旺財，才可成功渡過這個18黑狗年，才可逃過大災劫的年份，來迎接19豬年。有望滙市會轉靜，但19年是另一個故事了，請勿錯過和掌握入市機會，搵多少過農曆年嘛！
現況滙市頗靜，行行企企，美滙似沒有方向，至少胡混到年底；加元和澳洲仔有望持續爬升；英鎊受壓下，下試1.26找個撐得住腳的位置。族長直覺向下層層有位，似較穩陣，可惜未有良機入市。至於WTI & Brent Crude Oil會慢慢向上爬，重返$60水平。整體來說，無方向及買賣兩閒，玩其他囉！
DOW和DAX個勢較差，八八九九向下，會連澳洲ASX都跌足整個星期，股市弱是定案了，不用再有幻想了。大家細心觀察Black Friday的消情，找啟示！
初步評估，政治市影響DOW會試圖爬升回26000大位，待G20玩乜和換另一套劇目，不可亂動，一有眉目，族長會即update！最後，好好醜醜都要講，「支企A」撐得很行，今日近2千億成交，唔衰得嘛！港股就四四六六，做個紙板公仔撐住先，咪係隻700囉！唔講啦，好悶囉！