Member-only story
族長飛前已通了水質低油，當時油價一度見$72.8，踏入11月份已撻落$62，周五報收$60.05，低見$59.3左右。若大家跟隊入市沽一轉，算不錯啦！咁之後點呢?!
先回說：10月Jamai Khashoggi被殺的突發，Trump不得不出手郁皇子，期間沙特除了口硬，更學埋土匪D衰嘢，搞到一鑊粥，結果WTI和UK oil齊齊暴跌，WTI跌近$20蚊，反映美帝在保衛戰增添了特殊優勢。因為18年第二季，油價踩油上，從$65扯上$78，欠一點就見$80，今日油價不只跌凸，更連帶拉散埋GSCI commodity index，一舉多得，太玄妙的變化。Trump早就想拍隻油落街，唔一仆一碌都要順勢下滑，可惜班金融凶獸包拗頸，並與白宮作對，第二季的情況，就是這樣囉！現在則現眼報，連Navaro都開聲咪搞搞震，叫Wall Street靠邊站。
至於羅斯真的背叛Trump暫未可確定，要多一點更多資訊，才可下定案。暫放埋一邊先，講一講有誰中伏啦！
邪惡軸心國囉！北極熊和伊朗心都涼了一截，而沙特亦刀仔插大脾喎！至於土匪更Q大鑊，暫時它們唔頭唔路個隻；鬼國民和港豬則沒有得益，因為油價升升跌跌，唔關大家事！香港D能源價格和汽油價只升不跌的，分別是鬼國民更傷，猜想冬季來臨油／氣價格只會加得更勁，死未！
回望WTI月綫圖表，10日頭準確遇下降壓力綫的見頂回落，現向下仍有$10空間或多一點，所以油價的跌浪是剛開始，加上保衛戰的優勢，可使邪惡軸心國經濟崩潰，不單是貨幣，甚至政權亦會倒下來，優勢可轉化成重新洗牌玩過的魔術，而且美國是石油出口國，更顯操控油價升跌的絕對能力，相信全球的能源新秩序會逐步浮上水面，2020後會見真章。
至於現時歐洲民眾可以安心過一個暖笠笠的聖誕和新年，亦不受北極熊的來犯，暫舒一口。下年的事，下年才算吧！
族長提到GSCI index散了，反映未來半年或9個月內，商品市場會異常淡靜，不妨小試牛刀，沽Palladium，作聖誕新年給自己的一份小禮物，風險嘅嘢，自己評估啦！族長短綫看1000樓下，下一級則900附近。