Member-only story
族長講了2日就應驗了，幕後會趁鬼國放水的消息，來挾一次倉（淡）。今日恆指裂口上開，FHSI即月一度高見26,605。這場遊戲剛開始，暫未成功誘惑散戶心動的，只係放小甜頭，看反應的指定動作。其實上午期指升668點就知道是搞嘢之作，趁月頭推高個Volatility，咁D期權及權證個價就是Max，講明就唚啦！一切鋪陳為主，坐定定執雞碎……
回說市況會玩邊款把戲：慣常谷多幾日便收手，讓個勢平靜下來，一個星期的小睡片刻，之後則扮瞓醒，搞D小動作；由於捱到農曆年，還有一段時間，幕後須要搵D＄過年，不排除踢起個市周綫圖作例，指數有望重上27,300~27,800區域，距離現水平有1千多點的水位，加上今日則超過2千點，看似幕後的最理想情況。原因有2個：抹掉大冧檔的陰影；成交量再縮就發瘟喎！看附圖，亞洲幾個主要市場個樣都餅印一個，唔會錯得去邊囉！
空軍們請收兵，提早休戰，回投其後遊樂園更有趣味和刺激大家麻木已久的大腦，例如巴西股市或中東基金等，相信是不算的出路。是否是生路就要睇首領的求生意志啦！聞說，十月搞閱兵，點解唔趁勢攻台，咪更高興咩?!賀台灣早日一家親嘛！
回說另一幅圖，若指成功衝上27,000關口，後續則更有利於做好第一季盤數，強勢列陣。得個樣都要撐住先架，連港航都暫離鬼門關，下一期則在3月底，三千幾萬美金啫，首領話有就有，怕咩喎！印多多「人弊」都唔跌架啦；同樓價一樣「共同命運體」，何苦呢？活得那麼苦；還要捱下去的理由是甚麼呢？請它們早點歸去（零或負），大家都安樂D好喎！債唔爆；滙不死，股市更一飛衝天。咁大家等咩啫，過年過節應景或贈慶都買多少，撐首領的英明領導下，創造了股市不死神蹟。咁大家明啦！除了它，你哋不可以有別的神！
豬豬們，踏入19年得一個字，是乜都加架，不過大家都麻木到了一個境地，就是生果金被搶都唔識say no。反之，加就有反應，點解呢?!答安是一個是最後要比；另一個則唔洗比面，唔比！奈得佢咩何？
最後，睇油價，過去9日衝過籠，喺時候抖一抖，咪追入！