Member-only story
DAX指數拔足狂奔之勢，似要再挑戰18年年初的高位13,434，暫時在13,300位置前徘徊。由於彈升較急，料待明日再戰。
按近期歐洲三大指數表現來看，擺明偷步造好，似有預知能力。借Emmanuel Macron訪鬼国定必簽乜簽物，再加埋Lagarde初上任當然施展少少魔法，玩沖喜的把戲，新官上場都算是例牌事宜，大家無跟隊，坐順風車，嘥了！唔使急，讓隻紙鳶飄高多一點才考慮再出手做空軍囉！
法國經濟呆滯，市場大唱淡風，玩唔耐的，下周CAC 40能否一舉攻破12年前2007的6,094高位。其實族長早已通水給大家，DAX與CAC 40拍住齊齊上（似有大茶飯個隻），料下星期會有答案，耐心等多陣啦！
其實党與首領早已有意思投入歐盟懷抱中，不介意與美帝脫鈎。Trump可能未意識歐盟班老妖怪根本不想與Trump再糾纏下去。大家看Brexit一事，Trump一心協助Boris成功脫歐，這是兩兄弟團圓的大事。但歐盟班老妖啖氣，既吞不下，又不能正面反枱，結果繼續玩陰濕，現況唔知Boris個心點諗的，望他生性咪比班老妖怪坤到，兩兄弟聯手打天地，咪好囉！
由於土匪已下定決心擺脫美帝，料未來半年大家格外留神，土匪與班老妖怪的眉來眼去，特別是英國的取態。一失足成千古恨，睇你啦，Boris，唔好企錯邊。
回說星期二當日，已有報導，Trump說關稅條約有進展，則隻眼開隻眼閉，關於〈香港issue〉會扮看不見……按此時序來看，事有蹺蹊，若沒有記錯星期日或一，已傳777被召見上京會韓正。但失驚無神，首領星期二突然加插特別節日見777，結果兩大陣好像爭着操控777的話語權，使香港人一頭霧水，玩乜嘢啫！
族長下篇文〈屍變5〉會解話給大家知，背後確實鬥到反肚兼址埋Trump落水，未知是福還是禍！
回説Trump搞乜春，急到賴臭臭呢?!因為第一階段裡：400億農產品之外，液態天然氣亦在其中，怪唔之得，Trump癲咗啦！今鋪穿底，分分鐘輸到甩褲，咬實牙根忍多2個月或3個月就唔使比首領跣死嘛！現況倒瀉籮蟹，一地都係，失暈兼一身蟻，放甩了首領的同時，亦讓歐盟班老妖有位入……Retreat, Regroup及Reboot。
趁首領忙於與（政敵s）周旋之際，Trump把心一橫敲定地點及日期，焗首領就範，趁Rubio推法案，加多兩錢肉緊，大條道理用明年的3,000億美元債作籌碼，土匪會拖至12月中，快刀斬亂麻及免夜長夢多。地點是次要的，倫敦就倫敦；日期才是關鍵。
四中會起了異變，党把重心轉移至歐洲，加埋英國亦無閒多事兼話唔埋比人借來過撟。Trump一時的貪念，壞大事，小心甩碌喎！
近日消息滿天飛，大家不要輕信Fake News。由於党拋出很多小幫忙，讓Trump有少少揸嗱就拖及反撲話取消關稅，扮拳來腳往的設計動作，目的是拖至12月中，則唔覺就過埋年添！其實Trump有部份願景，特別是股市方面，已達到目的，不妨膽博膽，硬攻打亂党的如意算盤，相信會有意外收獲。
另外，Ripple/USD的波動有點怪，而bitcoin cash的跌幅亦近5%，反映市場焦點依然是股市及有憧憬全年高收的預期，Trump乘勢關稅條約好事近，挾埋個尾彩，明年的事，留待明年才算啦！