Member-only story
昨日得知文姨姨話辭職，好高興的喜訊。Finally！時間啱啱好，及時有運到。若真的是Boris Johnson上台，這就是天意的奇妙安排。香港有望死唔去啦！
看多一兩日會有分曉，但匯市GBP / USD似作勢反彈。其實，昨日早上低位在1.26邊，正正是一種頗關鍵的死頂撐腳位，若再質就見1.253x附近。總之，1.253~1.26算有值搏機會，揸貨或平早前的空倉，暫不可看得太淡。
由於匯市除了日圓升之外，其他都一仆一碌向下，暫未見有起色。最危是EUR / USD似托住唔敢跌，選舉嘛！相信之後會一鋪過補番，下望破1.1，見1.088 / 1.08附近作第一度防綫。
陸陸續續，台灣、日本和英國先後與华為割蓆，無晶片，又無軟件之後，就連開發程式包括Open Source類別和Github等，看來一鋪打殘，讓它回到／倒退20年前的樣子。算吧！唔講了，好悶！
Kyle Bass接受Bloomberg訪問，大家仔細看標題，才會明白，族長苦口婆心，人家的目標係乜都未知喎?!雖然，港媒屈人沽港元衝擊聯繫匯率的穩定性云云……但是金管局無跑出來，特別是「攞命」未見影，事有蹊蹺，不排除捕風捉影，杯弓蛇影至真，自己嚇自己！
族長再講多次，人家要郁／衝擊香港金融系統理應班財金官員列陣迎敵嘛！鬼影都無隻，電話訪問，求其了事便算！「攞命」就話無得撈，咁新個件去咗邊呢?!
講返個標題：其實一切都是衝着「逃犯乜乜」而來，係政治的周旋與角力，近日全球似瞓醒了，異口同聲，香港沉淪了，Kyle Bass是CPDC成員，他是財金專家為美國出謀獻策，當然Bass是對沖基金的CIO，不一定講乜等於做乜啫！打開口牌講：就是相反或已經動了手，等收割，行出來是推波助瀾嘛！
一切都是心理戰術，走資或話沽美債係鬼国民做了十幾年啦！又唔見聯滙受沖擊，今次不是你死就是香港亡的一役，皆因首領要籌碼拿來賭，不惜毀國際金融地位，強制充公資產（任何在港人士，包括過境……），最恐怖的是資產價格，一夜之間化為烏有，一切都消失。因香港普通法已不能保護生命與財產的保障。一句No rule of law講完了！所以修例一旦通過，香港就完蛋了，
今日個市跌500點啫，就鬼殺咁嘈，末日來臨一樣，族長早亦說了多次，若今日一鋪過，跌回25,000，才鬼叫都唔遲。媒體自作孽的迴音，加上月底轉倉時期，有多少波幅難免的。難度幕後死托，輸凸所以發爛渣?!慣例賴地硬……
單嘢會戲劇性的甩碌或777啃咗佢囉！大家耐心等，天有眼的，蒼天在上，會大步欖過的。「逃犯乜乜」搞了一段時間，ex-事頭婆一句都無哼一聲，真有點心悒，希望英國換首相，有另一新境象啦！